"ჯენერალ მოტორსი" კრიზისით და გაკოტრების რეჯიმით განპირობებული სამთავრობო "ტყვეობიდან" გამოდის. დღეს,- 5 მაისს GM-ს თავისი აქციები ბირჟაზე პირველადი საჯარო შეთავაზებით გააქვს. თუკი IPO მოცულობა 20 მილიარდ დოლარს შეადგენს, ამით მთავრობის წილი კომპანიაში 61%-დან 33%-მდე შემცირდება. ბაიერების რიცხვი (მოთხოვნა) 7-ჯერ აღემატება აქციების მიწოდების სიდიდეს, რის გამოც აქციის ფასმა ნავარაუდევი 26 დოლარის ნაცვლად 33 დოლარი შეადგინა. აღსანიშნავია რომ "ჯენერალ მოტორსის" აქციების შეთავაზება ყველაზე მასშტაბურია დღემდე ერთჯერადად განხორციელებულ IPO-ებს შორის მთელს მსოფლიოში.
კომპანიის მოგება 2011 წლის პირველ კვარტალში მოლოდინის საწინააღმდეგოდ გასამმაგდა, ხოლო შემოსავალი 3,2 მლრდ-მდე ავიდა. ექსპერტები უკვე საუბრობენ იმაზე, რომ იაპონური "ტოიოტას" პრობლემების ფონზე GM დაიბრუნებს მსოფლიოს ლიდერი ავტომწარმოებლის სტატუსს.

Societe Generale-ს ტრეიდერი ჯერომ კერვილი სასამართლოს წინაშე წარსდგება. ბანკი ყოფილ თანამშრომელს ბრალს მასთან შეუთანხმებლად მსხვილმასშტაბიანი ტრეიდინგული ოპერაციების ცატარებაში სდებს. სპეკულატიური ოპერაციებისგან მიყენებული ზარალი 5 მლრდ ევროს შეადგენს... ვრცლად

Societe Generale-ს რეიტინგი მიმდინარე წლის პირველ კვარტალში დეგრადირების საფრთხის წინაშე აღმოჩნდა. ბანკი სხვა ფინანსურ გიგანტებთან შედარებით ეგვიპტესა და ჩრდილოეთ აფრიკის ქვეყნებში მნიშვნელოვნად არის კონცენტრირებული, სადაც ბოლოდროინდელი პოლიტიკური არასტაბილურობა მნიშვნელოვან რისკებს უკავშირდება.

"ჯენერალ მოტორსი" იაპონური ავტომწარმოებლებისგან დეტალების მიწოდების შეწყვეტის გამო ლუიზიანაში მდებარე ავტოქარხანას აჩერებს. GM აცხადებს, რომ წარმოების შეჩერება დროებითია და წარმოებული მანქანები საკმარისია იმისთვის, რომ ბაზარზე დეფიციტი არ წარმოიქმნას და მიღებული შეკვეთების და სხვა ვალდებულებების შესრულება არ შეფერხდეს.
ცხადია, კატასტროფის შედეგები უფრო მწვავეა თავად იაპონური ავტომწარმოებლებისთვის. მაგ. ჰონდას 113 მომწოდებლიდან 44 მიწისძვრის ზონაშია მოხვდა და საწარმოო ციკლს გამოეთიშა. მსგავსი პრობლემები აქვთ. მარტში იაპონიის ტერიტორიაზე ტოიოტა-ს წარმოება 62%-ით, ნისანის კი 52%-ით შემცირდა.

ნიუ-იორკის ტაქსოპარკის განახლებისთვის ჩატარებულ კონკურსში იაპონურმა "ნისანმა" "ფორდს" და თურქულ "კარსან ოტომოტივს" მოუგო და 10 წლიანი კონტრაქტით ექსკლუზიურად საკუთარი NV200-ებით ამჟამად მოძრავ თექვსმეტი მოდელის 26000-მდე ყვითელ ტაქსის ჩაანაცვლებს. 2017 წლიდან ტაქსოპარკის შევსება მხოლოდ ელექტრომობილებით მოხდება.